كوردستانی نوێ

بودجه‌ی ته‌رخانكراو بۆ كه‌ركوك كه‌مه‌ ‌ 21/7/2010
كه‌ركوك، عومه‌ر غه‌ریب
پارێزگاری كه‌ركوك رایگه‌یاند: ئه‌و بودجانه‌ی سالانه‌ له‌به‌غداوه‌ بۆ كه‌ركوك ته‌رخانده‌كرێن، بڕه‌كه‌یان كه‌مه‌و به‌شی ئاوه‌دانكردنه‌وه‌ی شاره‌كه‌ ناكات.
دوێنێ 21/7/2010، له‌دیدارێكی نێوان عه‌بدولڕه‌حمان مسته‌فا پارێزگاری كه‌ركوك و وه‌فدێكی وه‌زاره‌تی ده‌ره‌وه‌ی ئه‌مریكادا گفتوگۆكرا ده‌رباره‌ی بارودۆخی گشتیی پارێزگای كه‌ركوك و ئه‌و به‌ربه‌ستانه‌ی له‌پێش پرۆسه‌ی ئاوه‌دانكردنه‌وه‌دان، پارێزگاری كه‌ركوك تیشكی خسته‌سه‌ر هه‌وڵه‌كانی ئیداره‌ی كه‌ركوك بۆ گه‌شه‌پێدانی لایه‌نی خزمه‌تگوزاری و وتی: ئه‌گه‌ر چی كاری باشكراوه‌، به‌لام پێویستیی پارێزگاكه‌ زیاتره‌، وتیشی: تائێستا به‌هاوئاهه‌نگیی حكومه‌تی عیراق و حكومه‌تی هه‌رێم و لایه‌نی ئه‌مریكی زۆر پرۆژه‌ی ستراتیژی له‌كه‌ركوك جێبه‌جێكراون، به‌لام به‌شێك له‌وه‌زاره‌ته‌كانی عیراق رێگری له‌به‌رده‌م ئاوه‌دانكردنه‌وه‌ی زیاتری شاره‌كه‌دا دروستده‌كه‌ن.
داوای
پێداچوونه‌وه‌ ده‌كرێت
له‌لایه‌كی دیكه‌وه‌، رێبوار تاڵه‌بانی سه‌رۆكی ئه‌نجومه‌نی پارێزگای كه‌ركوك به‌وه‌كاله‌ت به‌كوردستانی نوێ-ی راگه‌یاند: وه‌زاره‌تی پلاندانانی عیراق بۆ پێنج ساڵی داهاتوو كه‌مترین بودجه‌ی بۆ پارێزگای كه‌ركوك ته‌رخانكردووه‌، بۆیه‌ داواده‌كه‌ین به‌و بڕیاره‌یاندا بچنه‌وه‌، وتیشی: به‌پێی نه‌خشه‌یه‌كی پێنج ساڵی كه‌وه‌زاره‌تی پلاندانانی عیراق دایڕشتووه‌، غه‌دری گه‌وره‌ له‌كه‌ركوك كراوه‌و رێژه‌ی ئه‌و بودجه‌یه‌ی وه‌زاره‌ته‌كه‌ بۆ پلانی عیراق دایناوه‌، كه‌ركوك 1%ی به‌رده‌كه‌وێت.
هه‌روه‌ها رێبوار تاڵه‌بانی باسی له‌وه‌شكرد كه‌ له‌بودجه‌ی په‌ره‌پێدانی هه‌رێمه‌كانیشدا