كه‌ناڵی زاگرۆس تیڤی
کوردستانی تورکیا.. کوژرانی شه‌ش سه‌ربازی تورك
ztv.. شەش سەربازێن سۆپایێ تورکیا ب سەدەما شەڕو پەڤچوونەکێ دگەل چەکدارێن پەکەکێ هاتنە کوشتن و هژمارەك ژی بریندار بوون. ل دەڤەرا چەلێ سەر ب پارێزگەها جۆلەمێرگ ڤە، شەڕو پەڤچوون د ناڤبەرا سۆپایێ تورکیا و پەکەکێ رویدا کو لگۆرەی نووچەیەکێ کەنالا سی ئێن ئێن تورك، شەش سەرباز هاتنە کوشتنFPRIVATE "TYPE=PICT;ALT="

.
ئاژانسا فورات نیۆز ژی راگەهاند پەکەکێ، ل دەڤەرا چەلێ، هێرش کریە سەر بنگەهەکێ سۆپای ل دەڤەرێ کو هێشتا شەر دناڤبەرا دوو ئالیان دا بەردەوامە. هەروەها، باسێ کوشتن و برینداربوونا هژمارەکا زۆرا سەربازێن تورکیا هاتیە کرن بێی کو هژمارا وان و پێزانێن بێتر ئەشکەرە بکە.
ژ ئالیەکێ دن ڤە، پەرلەمانێ تورکیا، ئیرۆ د جڤینا خوەیا ئاسایی دا، پرۆژە یاسا وان زارۆکێن کورد گەنگەشە کر، یێن کو ب هاڤێتنا بەرانبەر ب پۆلیسان و هێزێن ئاسایشێ ڤە سۆچبارن. گەلەك ژوان زارۆکێن کورد کو تورکیا ب بەر هاڤێژ ناڤێ وان دبەت ژبال دادگەهێن تورکیا ڤە ب چەندین سال بەند کرنێ هاتینە سزادان کو ژیێ وان ل ژێر ژیێ یاسایی یێ دادگەهکرنێ دایە. پرۆژا هان ژبال پارتا دادو گەشەپێدان یا دەستهەلاتدار ڤە هاتیە پێشکێش کرن، کو ئێکەم جارە زارۆکێن بەرهاڤێژ دهێنە بەخشین و ناهێنە بەندکرن و دێ ب ئەنجامدانا خزمەتێن سۆسیال هێنە نەچار کرن. هەروەها، لگۆرەی پرۆژە پێشنیارا هان، هەمی زارۆکێن ل ژێر هەژدە سالیێ، دێ ل دادگەها زارۆکان هێنە دادگەهکرن. ئەڤ پرۆژە، پشتی وێ یەکێ هات، کو د شەڕو پێکدادانێن دناڤبەرا پۆلیسێن تورك و خۆنیشاندەرێن کورد دا هژمارەکا زارۆکێن کورد ب هاڤێتنا بەران بەرهنگاری هێزێن تورکیا دبن، کو هژمارەك ژ ڤان زارۆکان د دادگەهێن تورکیا دا ب بەند کرنێ هاتینە سزادان و قەیرانەك ل ڤی وەلاتی چێکریە.
هەر لدۆر پەکەکێ، ئاژانسا ئانادۆلی یا تورکیا، د راپۆرەکێ دا، وەشاندیە کو هەر چەندە هەلویست و دژایەتیا ئەلمانیا بۆ ئەندامەتیا تورکیا د ئێکەتیا ئەورۆپا دا چەند ئاریشە دناڤبەرا دوو وەلاتان دا چێکرینە، لێ بەردەوامیا ب گۆتنا ئاژانسا هان پشتەڤانیکرنا ئەلمانیا ژ پەکەکێ وە کریە کو پەیوەندیێن ئەنقەرە و بەلین خاڤی و ساربوونەکێ بخوەڤە ببینیت. بالیۆزێ ئەلمانیا ل تورکیا، لدۆر تومەتێن تورکیا لدۆر پشتەڤانیکرن ژ پەکەکێ، دبێژیت هەڤکاریەکا تەمام هەیە دناڤبەرا تورکیاو ئەلمانیا دا بۆ سەرەدەریکرن دگەل شەرڤانێن پەکەکێ، لێ بەرپرسێن تورکیا بۆچۆنەکا دن لدۆر ڤان پەیوەندیان هەیە. لدۆر ڤێ یەکێ، ئەحمەد داوودئۆغلۆ، وەزیرێ دەرڤەیێ تورکیا رەخنەکا توند ئاراستەی بریارێن سندۆقا پشتەڤانی ژ مافێ مرۆڤی ل ئەلمانیا و پەیوەندیێن وێ دگەل شەرڤانێن پەکێ کرو راگەهاند ئەم نەشێین بێ دەنگییا ئەلمانیا قەبوول کەین لدۆر پەیوەندیێن هندەك سازیێن حکومی یێن ڤی وەلاتی دگەل شەرڤانێن پەکەکێ.
ژ رویدانێن دن یێن تورکیا، دادگەهەکا تورکیا نێزیکی (196) کەس ژ وانا هژمارەکا ئەفسەرێن تورك یێن سەر ب هێزێن سۆپای ڤە ب تومەتا کۆدەتایێ دژی حکومەتێ دێ دادگەه کەت. ئەڤە ددەمەکی دایە کو پشکەکا زۆر ژ بەرگومانان دێ ب ئاوایەکێ نەپەنی هێنە دادگەه کرن یێن کو نها ل دەرڤەیی بەندیخانانێ دانە. لگۆرەی راپۆرەکا کەنالا ئەلجەزیرە، دادگەها تورکیا تومەتێن داخازکارێ گشتی وەرگرتینە و پێنگاڤا دن دادگەهکرنا بەرگومانانە و دهێتە پێشبینی کرن کو دادگەهکرن چەند مەهان هەیا چەند سالان ڤەکێشیت.